viral video 2025 सोशल मीडियावर आज काल कित्येक डान्स व्हिडिओ पोस्ट केले जातात. प्रसिद्धीसाठी लोक अनेकदा विचित्र डान्स करताना दिसतात किंवा सार्वजनिक ठिकाणी डान्स करताना दिसतात पण प्रसिद्धीला भूलणाऱ्या लोकांमध्ये अजूनही उत्तम डान्स करणारे मोजकेच लोक असतात. अशाच एका चिमुकलीचा व्हिडिओ सध्या सर्वांचे लक्ष वेधून घेत आहे. वाजले की बारा गाण्यावर चिमुकलीने अफलातून लावणी सादर केली आहे.
“वाजले की बारा” हे गाणे नटरंग या मराठी चित्रपटातील आहे हे अनेकांना माहित आहे. अमृता खानविलकरने या गाण्यावर अफालतून नृत्य सादर करून लाखो प्रेक्षकांचे मन जिंकले होते. आजही हे गाणे ऐकताच सर्वांना अमृताची आठवण येते पण व्हायरल व्हिडीओमध्ये चिमुकलीने इतका भन्नाट डान्स केला आहे की, अमृत्ता खानविलकरलाच थेट टक्कर दिली आहे.
